ដំរីមួយក្បាលត្រូវបានគេប្រហារជីវិតដោយការព្យួរក

ចម្លែកប៉ុន្តែពិត! ម៉ារីដំរីទីមួយរបស់ពិភពលោកមួយនេះត្រូវបានគេប្រហារដោយការព្យួរក

ថ្នាក់ទោសប្រហារជីវិតព្យួរកជាកម្មវត្ថុដែលត្រូវបានគេស្រាវជ្រាវរកឃើញដោយមនុស្សដើម្បីដាក់ទោសដល់មនុស្សជាតិដូចគ្នា ប៉ុន្តែជាលើកទីមួយហើយនៅក្នុងអតីតកាល ដែលមនុស្សយើងធ្លាប់ប្រើប្រាស់វីធីឃោរឃៅនេះប្រហារជីវិតសត្វដូចគ្នា ថែមទាំងជាសត្វដែលគេជឿថាជាសត្វធំបំផុតលើគោកទៀតផង នោះគឺដំរីឈ្មោះថា ម៉ារី ដែលជាដំរីដែលជាទីចំណាប់អារម្មណ៍ពីក្រុមល្ខោនសួនសត្វស្បាក។

 បើស្តាប់មើលរឿងរ៉ាវដែលកើតមានមិនគួរឲ្យជឿជាក់បានទេ តែបើយើងក្រឡេកមើលទៅក្នុងអតីតកាល គ.ស ១៩១៦ ដំរីដែលជាតួសម្តែងរបស់ក្រុមល្ខោនសួនសត្វស្បាកមួយនេះ បានបង្កហេតុលោះព្រលឹងដោយការសម្លាប់លោក វ៉លថឺ អេលគ្រិតភ្នាក់ងារហ្វឹកហាត់មកធ្វើការងារក្នុងក្រុមល្ខោនបានពីបីថ្ងៃ ព្រោះគាត់ព្យាយាមហាមឃាត់មិនឲ្យដំរីដើរទៅរើសឪឡឹកដែលជ្រុះនៅតាមដងផ្លូវ ទើបធ្វើឲ្យដំរីឈ្មោះម៉ារី ចាប់គ្រវែងដោយប្រមោយ និងជាន់ញីដល់ខ្លួនសាកសពគាត់ខ្ទេចខ្ទក់ ក្នុងចំណោមក្រសែភ្នែកមហាជន។

ហេតុការណ៍នេះសាងភាពតក់ស្លុតរន្ធត់ចិត្តទៅដល់មហាជន រហូតដល់មានការស្នើសុំពីអ្នកស្រុក និងភ្នាក់ងាររបស់ក្រុមល្ខោនសត្វឲ្យកំចាត់វាចោល ព្រោះពេលនេះវាបានក្លាយជាសត្វដែលមានគ្រោះថ្នាក់ វាមិនអាចនាំយកមកសម្តែង ឬធ្វើការងារបានដោយការទំនុកចិត្តតទៅទៀតកើត។

ទោះបីជាវាបានក្លាយជាតួសម្តែងល្បីរបស់ក្រុមល្ខោនសត្វក៏ដោយ តែដើម្បីសុវត្ថិភាព និងបង្កនូវភាពសប្បាយចិត្តទៅដល់អ្នកទស្សនា ម្ចាស់របស់ក្រុមល្ខោនសត្វក្នុងពេលនោះ ទើបបានសម្រេចចិត្តប្រហារជីវិតវាដោយការបាញ់សម្លាប់ ប៉ុន្តែដោយកម្លាំងអានុភាពរបស់គ្រាប់កាំភ្លើងក្នុងសម័យកាលនោះ គ្រាន់តែបានបង្ករបួសស្នាមឈឺចាប់បន្តិចបន្តួចទៅលើម៉ារីប៉ុណ្ណោះ ហើយមនុស្សគ្រប់គ្នាសង្ឃឹមថា របួសពីគ្រាប់កាំភ្លើងនេះ នឹងធ្វើឲ្យវាក្លាយជាដំរីដែលមានចិត្តសាហាវឡើង ក៏មិនដឹងដែរ។

ច្រើនថ្ងៃកន្លងផុតទៅ ក្រុមល្ខោនសត្វបានចាប់ផ្តើមបើកការសម្តែងរបស់ខ្លួនម្តងទៀត និងដំរីឈ្មោះម៉ារីក៏មានឱកាសបានត្រឡប់មកចូលរួមសម្តែងដែរ ប៉ុន្តែភ្លាមៗដែលវាឈានជើងចូលដល់ឆាក វាបានស្ទុះទៅចាត់ការអ្នកគ្រប់គ្រងក្រុមល្ខោនសត្វភ្លាម តែជាសំណាងនៅល្អពេលនោះ គ្មានអ្នកណាម្នាក់បានទទួលរងរបួសពីហេតុភេទនេះទេ។ ប៉ុន្តែហេតុផលនោះវាគ្រប់គ្រាន់ណាស់ទៅហើយ នឹងបញ្ជាក់បានថា ម៉ារី នោះវាសត្វដែលមានគ្រោះថ្នាក់ពេកក្តាត់ ទុកបណ្តែតបណ្តោយឲ្យនៅជាមនុស្សតទៅទៀតមិនបាន។

កាលបើប្រហារជីវិតតាមការបាញ់កាំភ្លើងមិនបានសម្រេច ក្រុមល្ខោនទើបប្តូរវិធីថ្មីវិញ ដោយការបែរមកប្រើវីធីព្យួរករថយន្តគ្រេន(ឡានស្ទួច)ជំនួសវិញ នៅថ្ងៃទី ១៣ កញ្ញា គ.ស ១៩១៦។ ក្រុមល្ខោនសត្វបានឲ្យវាសម្តែងជាលើកចុងក្រោយ មុននឹងយកវាទៅក្រោមរថយន្តស្ទួចដែលអាចផ្ទុកទម្ងន់បានដល់១០០តោន ក្នុងចំណោមក្រសែភ្នែកសាក្សីមហាជនដែលមកមើលការប្រហារជីវិតដំរីមួយក្បាលនេះ ហើយនេះគឺជារូបភាពចុងក្រោយដែលពួកគេបានឃើញ៕

ប្រភព៖ https://www.spokedark.tv/wp-content/uploads